by
لاہور (ڈیلی پاکستان آن لائن)سابق وزیراعظم اور پاکستان مسلم لیگ (ن) کے صدر شہبازشریف سے سابق ارکان قومی وصوبائی اسمبلی نے ملاقات کی، اس موقع پر 5 سابق ارکان قومی وصوبائی اسمبلی مسلم لیگ (ن) میں شامل ہوگئے۔
مسلم لیگ( ن) میں شمولیت اختیارکرنے والوں میں سابق ایم این اے سردار منصب ڈوگر ،فاروق رضا مانیکا اور جھنگ سے گدی نشین نظام الدین سیالوی مسلم لیگ (ن) شامل ہیں۔سابق ایم پی اے آصف عباس اور میاں ماجد نے بھی مسلم لیگ (ن) میں شمولیت کا اعلان کیا۔
شہبازشریف نے مسلم لیگ (ن) میں شمولیت پر سابق ارکان قومی وصوبائی اسمبلی کو مبارک پیش کی اور کہا کہ آپ کے آنے سے مسلم لیگ (ن) کی عوامی خدمت کا سفر مزید تیز ہوگا، مسلم لیگ (ن) ایک گھر کی طرح ہے جس میں سب کا احترام کرتے ہیں ،الحمدللہ، مسلم لیگ (ن) نے کبھی عوام کو مایوس نہیں کیا ۔
صدر (ن )لیگ کا مزید کہنا تھا کہ انتخابات میں عوام نے کامیاب کیا تو عوام کو مہنگائی سمیت دیگر مسائل سے نجات دلائیں گے، پاکستان کی معاشی خودانحصاری اور مسلم لیگ (ن) کی انتخابی کامیابی لازم وملزوم ہیں ،قائد نوازشریف کا ہر دور تعمیر، ترقی اور عوامی خوش حالی کا دور ہے ۔
مسلم لیگ (ن) میں شمولیت کرنے والوں نے لیگی قائد نوازشریف پر اپنے مکمل اعتماد کا اظہار کیا اور کہا کہ نوازشریف کی قیادت میں پاکستان کی ترقی مسلم لیگ (ن) کی روایت رہی ہے، نوازشریف کی قیادت میں عوام اور ملک کی ترقی میں بھرپور کردارادا کریں گے۔
ملاقات میں مسلم لیگ (ن) پنجاب کے صدر رانا ثناءاللہ، شیخ فیاض الدین، عطااللہ تارڑ، رانا ارادت حسین اور احمد رضا مانیکا بھی موجود تھے ۔
انگلش کرکٹرز کی بیگمات کے دلچسپ قصے ،ویڈیو دیکھنے کے لیے یہاں کلک کریں
سابق وزیراعظم اور پاکستان مسلم لیگ (ن) کے صدر شہبازشریف سے سابق ارکان قومی وصوبائی اسمبلی کی ملاقات
پانچ سابق ارکان قومی وصوبائی اسمبلی کی مسلم لیگ (ن) میں شمولیت کا اعلان
سابق ایم این اے سردار منصب ڈوگر ،فاروق رضا مانیکا اور جھنگ سے گدی نشین نظام الدین سیالوی مسلم لیگ (ن) میں… pic.twitter.com/PnZbNm7RcF
— PMLN (@pmln_org) November 11, 2023
