by
کراچی (ڈیلی پاکستان آن لائن)سندھ ہائی کورٹ نے کراچی کی مرکزی شاہراہوں سے فوری تجاوزات ہٹانے کا حکم دے دیا۔
شہرقائد میں مرکزی سڑکوں اور اہم چوراہوں پر تجاوزات کی بھرماہونے پر سندھ ہائی کورٹ ڈپٹی کمشنرز اور اینٹی انکروچمنٹ فورس پر برہم ،جسٹس ندیم اختر نے کراچی کی مرکزی شاہراہوں سے فوری تجاوزات ہٹانے کا حکم دیتے ہوئے ریمارکس دیے کہ قیوم آباد اور دیگر علاقوں میں تجاوزات ختم کی جائیں۔
عدالت کا کہنا تھا کہ قیوم آباد فلائی اوور کے اطراف میں تجاوزات ہی تجاوزات قائم ہیں، آپریشن ہوتا بھی ہے تو کچھ دن بعد پھر سے تجاوزات قائم ہو جاتی ہیں۔جسٹس ندیم اختر نے کہا کہ کمشنرز اور دیگر کی تجاوزات ختم کرنا ذمہ داری ہے، لہٰذا دو دن میں شہر سے تجاوزات کا خاتمہ کیا جائے اور تجاوزات والے علاقوں میں پولیس چیک پوسٹ بنائی جائیں۔
عدالت عالیہ کا کہنا تھا کہ تجاوزات سے متلق متعلقہ اداروں کو زیرو ٹالرنس کی پالیسی اپنانا ہوگی، تجاوزات کے خاتمے کے لیے عدالتی احکامات کی ضرورت کیوں پیش آتی ہے؟ جن اداروں کا کام ہے انہیں اپنا کام کرنا ہوگا۔
انگلش کرکٹرز کی بیگمات کے دلچسپ قصے ،ویڈیو دیکھنے کے لیے یہاں کلک کریں
